Meraj e Mustfa ﷺ/ Azeem Nabi Ka Azeem Ul Shan Safar

معراج مصطفیٰ ﷺ ۔۔۔ عظیم نبی کا عظیم الشان سفر
  
مولانا محمد امجد خان
پروردگار نے اپنے پیارے نبی حضرت محمد کو انبیاءکرام ؑپر جہاں دیگر امور میں بلند درجے سے نوازا اور انتہا تک پہنچا دیا وہیں پر معراج کے عظیم معجزے میں بھی ایک منفرد اور ممتاز مقام سے سرفراز فرمایا۔ تمام انبیاءکرام کو جتنے بھی معجزے نصیب فرمائے ان سب سے آنحضرت کا صرف یہ معجزہ معراج مبارک مقام و مرتبہ میں کہیں بڑھ کر ہے اور قرآن مجید ایک ایسا معجزہ ذی شان ہے جس کی ایک آیت کا مقام و مرتبہ تمام معجزات انبیاءو رسل سے بلند ہے۔ آخر رسول بھی ممتاز تو اللہ تعالیٰ نے اپنے محبوب و معجزات بھی ممتاز اور خاص نصیب فرمائے۔

Taskheer e Kainat Ki Janib Qadam

تسخیر کائنات کی جانب قدم

 
 مولانا حسین احمد اعوان

 معراج رسول کریم تسخیر کائنات کی جانب ایک بلیغ اشارہ ہے۔

 ارشاد  حضرت علامہ اقبالؒ ہے

 سبق ملا ہے یہ معراج مصطفےٰ سے مجھے
 کہ عالم بشریت کی زد میں ہے گردوں

 تاریخ عالم میں واقعہ معراج النبی انتہائی خصوصیت کا حامل ہے ۔ اللہ رب العزت نے اپنے پیارے محبوب سردار الانبیاءخاتم المرسلین، شافع محشر حضور رحمت اللعالمین کو تمام انبیاءسے ممتاز کرنے کیلئے جسمانی معراج شعور کی حالت میں کرایا اور آپ راتوں رات مکہ المکرکہ، بیت المقدس، مسجد اقصیٰ اور پھر وہاں سے آسمانوں پر تشریف لے گئے۔ کائنات کی سیر کی اور سدرة المنتہیٰ پر پہنچ گئے جہاں حضرت جبرائیلؑ نے فرمایا کہ اگر میں اس سے آگے ایک قدم بھی بڑھا تو میرے پر جل جائیں گے۔ سدرة المنتہیٰ کے آگے آپ کا سفر مبارک آپ کی شان رسالت کی طرح ایسی عظیم بلندیوں کا سفر تھا جسے عقل سمجھنے سے قاصر ہے۔

Waqia e Meraj aur Azmat e Aadam

واقعۂ معراج اور عظمت آدم

علامہ محمد الیاس عطارقادری

رجب کی ستائیسویں تاریخ کو ہمارے پیارے نبی حضرت محمد مصطفی اللہ تعالیٰ علیہ وآلہ وسلم کو معراج کا شرف عطا کیا گیا۔ یہ واقعہ ہجرت سے پانچ سال قبل اس طرح پیش آیا کہ رسول اللہ صلی اللہ علیہ وآلہ وسلم، حضرت ام ہانیؓ کے گھر اور ایک روایت کے مطابق حطیم کعبہ میں آرام فرمارہے تھے کہ حضرت جبرئیل امین علیہ السلام نے آکر تاجدار کون ومکاں کو جگایا۔ حضور اُٹھے تو جبرئیل علیہ السلام نے عرض کی یارسول اللہ اللہ تعالیٰ نے آپ کو اپنی ملاقات کے لئے بلایا ہے۔ 

آپ چلنے کے لئے تیار ہوئے تو جبرئیل علیہ 
ا لسلام نے آپ کا سینئہ اقدس چاک کیا اور قلب اطہر کو نکال کر نور و حکمت کے خزانوں سے بھردیا گیا پھر حضور کی بارگاہ میں ایک سواری پیش کی جس کا رنگ چمکدار اور سفید اور اس کا نام براق تھا۔ جب تاجدار کائنات کو براق پر سوار کیا گیا تو وہ براق اس سعادت عظمیٰ پر وجد میں آگیا۔ اس پر جبرائیل امین علیہ اسلام نے اس سواری سے فرمایا: رُک جا! اللہ کی عزت کی قسم تجھ پر جو سوار بیٹھا ہے آج تک تجھ پر ایسا سوار نہیں بیٹھا۔ پھر آپ بیت المقدس کی طرف لے جایا گیا۔

Meraj Ul Nabi ﷺ Aur Mushahidat

معراج النبی ﷺاور مشاہدات

علامہ منیر احمد یوسفی
اسریٰ کے معنی رات کو لے جانے یا چلانے کے ہیں چونکہ نبی کریم کا یہ حیرت انگیز معجزانہ سفر رات کو ہوا تھا اِس لئے اِس کو اسراءکہتے ہیں اور قرآنِ مجید فرقانِ حمید میں اِس کو اِسی لفظ سے تعبیر کیا گیا ہے۔ سُبحَانَ الَّذِی اَسرٰی بِعَبدِہ لَیلًا ”یعنی پاک ہے وہ ذات جو اپنے (محبوب) بندے (حضرت محمد مصطفی ﷺ) کو لے گیا۔“
معراج عروج سے نکلا ہے جس کے معنی اُوپر چڑھنا کے ہیں۔ چونکہ اَحادیث مبارکہ میں آپ سے’ عُرِجَ لِی مجھ کو اوپر چڑھایا گیا ‘ مروی ہے۔ اِس لئے اِس کا نام معراج ہے۔